ကျွန်မတို့ အနေနဲ့ ဘာသာရေးလုပ်ငန်းကို လုပ်ဆောင်ရတာဖြစ်လို့ ဝယ်ယူသူတွေ စိတ်အေးချမ်းစွာ ကုသိုလ်ပြုနိုင်စေဖို့ အသားစစ်အသားမှန်ကိုပဲ အသုံးပြုပါတယ်။ နေ့နံသားများကို အသုံးပြုရာမှလည်း စနေနံအတွက် ထိန်သားစစ်စစ်၊ တနင်္ဂနွေနံအတွက် အုန်းသားစစ်စစ်၊ တနင်္လာနံအတွက် ခရေသားစစ်စစ်၊ အင်္ဂါနံအတွက် ဇီးသားစစ်စစ်၊ ဗုဒ္ဓနံအတွက် ယင်းတိုက်သားစစ်စစ်၊ ကြာသာပတေးနံအတွက် ပိတောက်သားစစ်စစ်၊ သောကြာနံ အတွက် သရက္ခံသားစစ်စစ်ကိုပဲ အသုံးပြုထားပါတယ်။

တန်ဖိုးကြီးအသားဖြစ်တဲ့ နံသာဖြူ၊ နံသာနီ၊ ကရမက်၊ တောင်နံကြီး၊ တောင်နံကတိုးတို့နဲ့ သိဒ္ဓိဝင်ကျွန်းနက်အသားတွေကိုလည်း ကိုယ်တိုင်စမ်းသပ် ဝယ်ယူပြီးမှ ပြန်လည်ရောင်းချပေးတာဖြစ်လို့ ဝယ်ယူသူတွေအနေနဲ့ စိတ်ချယုံကြည်စွာ အသုံးပြုနိုင်ပါတယ်။

သစ်ပုတီး၊ လက်မှုပညာရပ်များနဲ့ ပတ်သတ်ပြီး ကျွန်မတို့အနေနဲ့ မိဘများလက်ထက်ကတည်းက ပြုလုပ်ခဲ့တဲ့ လက်မှုပညာလုပ်ငန်းတွေကို အမွေဆက်ခံကာ ပြန်လည်ဆန်းသစ်ပြီး အကောင်းဆုံးဖြစ်အောင် ဖြန့်ဖြူးရောင်းချပေးနေတာပဲဖြစ်ပါတယ်။

တန်ဖိုးကြီးအသားဖြစ်တဲ့ နံသာဖြူ၊ နံသာနီ၊ ကရမက်၊ တောင်နံကြီး၊ တောင်နံကတိုးတို့နဲ့ သိဒ္ဓိဝင်ကျွန်းနက်အသားတွေကိုလည်း ကိုယ်တိုင်စမ်းသပ် ဝယ်ယူပြီးမှ ပြန်လည်ရောင်းချပေးတာဖြစ်လို့ ဝယ်ယူသူတွေအနေနဲ့ စိတ်ချယုံကြည်စွာ အသုံးပြုနိုင်ပါတယ်။ 

ဒီလုပ်ငန်းနှစ်ပေါင်း (၃၀) ကြာ အတွေ့အကြုံရှိခဲ့ပြီဖြစ်လို့ ရရှိလာခဲ့တဲ့ အတွေ့အကြုံတွေကို ကောင်းမွန်စွာအသုံးချပြီး ကျွန်မတို့အနေနဲ့ ဝယ်သူ စိတ်တိုင်းကျတဲ့အထိ ဝန်ဆောင်မှုပေးနိုင်မှာဘဲဖြစ်ပါတယ်။ အဲ့ဒါကြောင့်လည်းစိတ်ပုတီးနဲ့ ဆင်းတုတော်တွေကို တစ်နေရာတည်းမှာပြီးပြည့်စုံအောင်ဝန်ဆောင်မှု ပေးနိုင်ပြီး ဝယ်ယူဖူးသူတိုင်း စိတ်တိုင်းကျကျေနပ်မှုအပြည့်အဝ ရစေတာပဲဖြစ်ပါတယ်။

ကျွန်မတို့ ကုသိုလ်တော်ဟာ လက်မှုပစ္စည်းတွေကို ပြုလုပ်တဲ့အခါ ပစ္စည်းဖြစ်သွားရင်ပြီးရောဆိုပြီး လုပ်ပေးတာမျိုးမဟုတ်ဘဲ အသေးစိတ်ကအစ အဆင့်ဆင့်အချောကိုင်ပြီးမှ သဘာဝအတိုင်း အကောင်းဆုံးအရည် အသွေးရအောင် ပြုလုပ်ဖန်တီးပေးထားတာဖြစ်ပါတယ်။ အကောင်းဆုံးကိုမှ ကြိုက်တတ်တဲ့သူတွေအတွက် ကိုယ်တိုင်အသုံးပြုဖို့ပဲဖြစ်ဖြစ်၊ လက်ဆောင်ပေးကန်တော့ဖို့ပဲဖြစ်ဖြစ် အထူးသင့်တောင်ပါတယ်။ ဝယ်ယူသူတိုင်းအတွက် စိတ်ကျေနပ်မှု အပြည့်အဝရစေမယ့် အရည်အသွေးဖြစ်ဖို့ အထူးအာမခံပါတယ်။ အကောင်းဆုံးလက်ရာကိုပဲ ဝယ်ယူသူတွေရဲ့ လက်ထဲကိုထည့်ပေးတာ ဖြစ်လို့လည်းဘာသာရေးနဲ့ ပတ်သတ်ရင် ကျွန်မတို့ကုသိုလ်တော်ကို ယုံကြည်စိတ်ချစွာ ရွေးချယ်ကြတာပဲ ဖြစ်ပါတယ်။

ကျွန်းနက်ဟာ သိဒ္ဓိဝင်သစ်တစ်မျိုးဖြစ်ပြီး ဘာသာရေးပစ္စည်းတွေမှာပဲ အသုံးပြုလေ့ရှိပါတယ်။ အစပိုင်းမှာတော့ ကျွန်းဖိုပင်ဖြစ်ပြီး ရေနံမြေရဲ့ အောက်ခံမြေဆီလွှာနဲ့ သက်တမ်းရင့်လာတဲ့အခါမှာ ကျွန်းနက်ပင်အဖြစ်ကို ပြောင်းလဲသွားခဲ့တာပဲဖြစ်ပါတယ်။ ‎

ဂမ္ဘီရအနွယ်ဝင်သစ်ဖြစ်ပြီးထိုက်တန်တဲ့သူကပဲ ကိုင်ဆောင်အသုံးပြု ပူဇော်နိုင်တယ်လို့လည်း အယူရှိတာကြောင့် အဆောင်အမျိုးမျိုး၊ ပုတီး၊ ဆင်းတုတော်များထုလုပ်ကိုးကွယ်ကြပါတယ်။ဒါပေမယ့် အခုလိုအတုအပပေါများလှတဲ့ခေတ်မှာ ကျွန်းနက်မဟုတ်တဲ့ အသားတွေကိုလည်း ကျွန်းနက်ဆိုပြီး ရောင်းချနေတာမျိုးတွေလည်း ရှိပါတယ််။ အဲ့ဒါကြောင့် ကုသိုလ်တော်ကနေပြီး အထွဋ်မြတ်ထားပြီး ပူဇော်မယ့် ကျွန်းနက်သားကို အတုအစစ်ခွဲနည်း ပြောပြပေးပါမယ်ရှင်။

ကျွန်းနက်သားအစစ်က မီးရှို့ပြာချတဲ့အခါမှာ နီညိုရောင်သန်းနေတဲ့ ရွှေပြာကိုရရှိမှာဖြစ်ပါတယ်။မီးရှို့ပြာချတဲ့အခါမှာလည်း ပြာဖြစ်တဲ့အထိရှို့ပေးရမှာဖြစ်ပါတယ်။ရရှိလာတဲ့ရွှေပြာကို စက္ကူပေါ်မှာပွတ်ကြည့်မယ်ဆိုရင် ဝါဝင်းတဲ့ရွှေရောင်ဖြစ်ရပါမယ်။အဲဒီ့ရွှေပြာကိုယူပြီး သံလိုက်နဲ့ ကပ်ကြည့်တဲ့အခါ သံလိုက်ဆွဲမှာသာ ကျွန်းနက်အစစ်ဖြစ်ပါတယ်ရှင့်။

အဆောင်ဝယ်ယူတဲ့အခါမှာဆိုရင် အသားအပိုတောင်းပြီး စမ်းသပ်ကြည့်လို့ရသလို ပုတီးဝယ်ယူတဲ့အခါမှာလည်း ပုတီးလုံးအပို (ဒါမှမဟုတ်) ပုတီးဖောက်ကွင်း ကိုယူပြီးစမ်းသပ်ကြည့်လို့ရပါတယ်။

ဆင်းတုတော်ပင့်ဆောင်ပူဇော်တော့မယ်ဆိုရင် ရေစိုခံလိုက်ကာနဲ့ ဆေးသုတ်မထားတဲ့ ဆင်းတုတော်ရဲ့အောက်ခြေကို ကော်ပတ်စားပြီး ထွက်လာတဲ့အမှုန်ကို မီးရှို့ပြာချပြီးစမ်းသပ်ကြည့်လို့ရပါတယ်။

ကျွန်မတို့ကုသိုလ်တော်ကရောင်းချပေးတဲ့ ကျွန်းနက်ပစ္စည်းများကို အသားစစ်မှန်ကြောင်း အထူးအာမခံပါတယ်ရှင်။

လက်ရာစိတ်တိုင်းမကျဘူး၊ ဝန်ဆောင်မှုကို မကြိုက်ဘူးဆိုရင် ကုသိုလ်ရေးအတွက်ဝန်ဆောင်မှုပေးရတာ တာဝန်မကျေဘူးလို့ ခံယူထားတာကြောင့် အသားစစ်မှန်မှု၊ အရည်အသွေးတိကျကောင်းမွန်မှုနဲ့ မဝယ်ယူခင်ရော ဝယ်ယူပြီးဝန်ဆောင်မှုရောအကောင်းဆုံးဖြစ်အောင်ကြိုးစားဆောင်ရွက်ပေးနေပါတယ်ရှင်။

ဒါကြောင့် ကျွန်းနက်နဲ့ပတ်သက်တဲ့ အဆောင်၊ ပုတီး၊ ဆင်းတုတော်တွေ ပူဇော်ချင်တယ်ဆိုရင်တော့ ကုသိုလ်တော်ကိုသာ သတိရလိုက်ပါနော်။

ကျွန်းနက်ဆိုတာ မြန်မာလူမျိုးတွေရဲ့ အထွဋ်အမြတ်ထားရာ ဂမ္ဘီရသိဒ္ဓိဝင် ရှားပါး တဲ့သစ်မြတ်တစ်မျိုးဖြစ်ပါတယ်ရှင်။ ကျွန်းပင်ဟာ အနက်ရောင်မဟုတ်သလို ကျွန်းနက်ဆိုတာကလည်း နေရာတိုင်းမှာနှစ်အနည်းငယ် နဲ့တွေ့နိုင်တဲ့ အရာမဟုတ်ပါဘူး။ ဒီနေ့မှာတော့ ကုသိုလ်တော်ကနေ ရှားပါးသိဒ္ဓိဝင် ကျွန်းမြတ်ဖြစ်တဲ့ ကျွန်းနက်ရဲ့အကြောင်းကိုမျှဝေပေးသွားပါမယ်။

ကျွန်းနက်ဆိုတာ ရေအောက်မြေအောက်မှာ နှစ်များစွာအကြာကြီးနစ်မြှပ်နေတဲ့ ကျွန်းပင်ကျွန်းတုံးတွေဖြစ်ပါတယ်။ မြေအောက်နေရာတိုင်းမှာမပေါက်ပဲ ရေနံနဲ့ဆက်စပ်တဲ့ဒေသတွေမှာသာ ရှားရှားပါးပါးပေါက်ရောက်ပါတယ်။ မြဝတီ၊ မိုးမိတ်၊ မကွေး၊ ရေနံချောင်း၊ ကလေး၊ ချောက် စတဲ့ ရေနံထွက်တဲ့နေရာတွေမှာ အရည်အသွေးစစ်မှန်တဲ့ ကျွန်းသစ်တွေပေါက်ရောက်ပါတယ်။

တကယ်တော့ ကျွန်းနက်ရဲ့မူလအစက သာမန်ကျွန်းဖိုတစ်ခုပါပဲ။ ရေအောက်မြေအောက်မှာနစ်မြှပ်နေလေ့ရှိပြီး ရေနံထွက်တဲ့‌ေဒသတွေမှာတော့ ရေနံမြေရဲ့အောက်ခံမြေဆီလွှာနဲ့ထိတွေ့မှုကြောင့် သက်တမ်းရင့်တဲ့ ကျွန်းနက်အဖြစ်ပြောင်းလဲသွားတာဖြစ်ပါတယ်။ ကျောက်ဖြစ်သွားတဲ့အဆင့်ထိ ပြောင်းလဲသွားတဲ့ ကျွန်းနက်တွေလဲရှိပါတယ်။

ကျွန်းနက်ဟာ ဂမ္ဘီရသိဒ္ဓိဝင်သစ်တစ်မျိုးဖြစ်တာကြောင့် ထိုက်တဲ့သူတဲ့အလိုလိုရောက်လာတတ်တယ်၊ ထိုက်တဲ့သူသာ ကိုင်ဆောင်ခွင့်ရှိတယ်လို့ ယုံကြည်ကြပါတယ်။ ရှေးလူကြီးတွေက နတ်ဖွက်ထားတဲ့သစ်ပင်လို့လည်းခေါ်ကြပါတယ်။ ဒါကြောင့် ဘုန်းကြီးတွေ၊ ဆရာတော်ကြီးတွေက ကျွန်းနက်နဲ့ ပြုလုပ်ထားတဲ့ဆင်းတုတော်တွေကို အမြတ်တနိုးပင့်ဆောင်ပူဆောင်ကြပါတယ်။

uRef;euf&JUtpGrf;owåd

ကျွန်းနက်ဟာ ကျွန်း = (၂) တနင်္လာနံနဲ့ နက် = (၇) စနေနံ ပေါင်းထားတာကြောင့် ကိုးနဝင်းမိပါတယ်။ ဒါကြောင့် (၇) ရက်သားသမီးတွေအတွက် ကောင်းကျိုးဖြစ်အောင်ဆောင်ရွက်ပေးတဲ့သစ်မြတ်ဖြစ်ပါတယ်။ 

ကျွန်းနက်သစ်မြတ်ကို ဆင်းတုတော်အပြင် ပုတီးစီရင်ပြီးကိုးကွယ်ပူဇော်ကြပါတယ်။ ပုတီးစီရင်ပြီး အဲဒီပုတီးနဲ့ ဂုဏ်တော်ကိုးပါး နေ့တိုင်းစိပ်ရင် လာဘ်ရွှင်ပြီး ဘေးဥပါတ်ကင်းစေတယ်လို့ယုံကြည်ကြပါတယ်။

ဒီနေ့မှာတော့ ကုသိုလ်တော်ကနေ ရှားပါးသိဒ္ဓိဝင် ကျွန်းမြတ်ဖြစ်တဲ့ ကျွန်းနက်ရဲ့အကြောင်းကို မျှဝေပေးသွားတာဖြစ်ပါတယ်။ ဒီလိုမြင့်မြတ်တဲ့သိဒ္ဓိဝင်ကျွန်းနက်နဲ့ပြုလုပ်ထားတဲ့ ဆင်းတုတော်၊ ပုတီးတွေကို ကျွန်မတို့ကုသိုလ်တော်မှာလည်းပင့်ဆောင်ပူဇော်နိုင်ပါတယ်ရှင်။

ကျွန်းနက်ရဲ့ အရောင်က အနက်ဖျော့ရောင်ရှိပြီး သဘာ၀အလျောက်ဖြစ်ပေါ်လာတဲ့ သစ်တစ်မျိုးဖြစ်ပါတယ်။စဝယ်လာတဲ့အချိန်မှာ အရောင်က ပြောင်လက်ပြီးတောက်နေပေမယ့် သုံးတာကြာလာတဲ့အခါမျိုးမှာ အရောင်ကျလာတာ၊ အရောင်မှိန်လာတာမျိုးတွေလည်း ရှိတတ်ပါတယ်။

ဘာကြောင့်လဲဆိုရင် ကျွန်မတို့ကုသိုလ်တော်က စိပ်ပုတီးတွေက ရေစိုခံလိုက်ကာတင်ထားခြင်း၊ အရောင်ဆိုးထားခြင်း မရှိဘဲ သဘာ၀အတိုင်း ဖယောင်းနဲ့ အရောင်တင်ထားတာဖြစ်ပါတယ်ရှင်။ အဲဒါကြောင့် အသုံးပြုတာကြာတဲ့အခါမှာ လက်ရဲ့အဆီနဲ့ ဖုန်တွေကပ်တာဖြစ်ဖြစ်၊ မတော်တဆရေစိုသွားတဲ့အခါဖြစ်ဖြစ် အရောင်ကျသွားတာ၊ မှိန်သွားတာမျိုးဖြစ်လေ့ရှိပါတယ်။

ကျွန်မတို့ကုသိုလ်တော်ကဝယ်ယူသွားတဲ့ ပုတီးတွေကို တစ်သက်တာအာမခံ လက်ခအခမဲ့နဲ့ အရောင်ပြန်တင်ပေးတယ်ဆိုပေမယ့် လာရတာအခက်အခဲရှိတဲ့ Customer တွေအနေနဲ့ ကိုယ်တိုင်အိမ်မှာပဲ ကျွန်းနက်ပုတီးတွေကို အရောင်ပြန်တင်နည်းလေး ပြောပြပေးပါမယ်ရှင်။

အရောင်ကျသွား၊ အရောင်မှိန်သွားတဲ့ ကျွန်းနက်ပုတီးလုံးအပေါ်ကို ဖယောင်းစက်လေးချပြီး အမွှေးအမျှင်မထွက်တဲ့ ပုဝါစ(အဝတ်စ)လေးနဲ့ ပွတ်ပြီး အရောင်တင်လိုက်လို့ရပါတယ်။အမွှေးအမျှင်ထွက်တဲ့အစနဲ့ဆိုရင် ပုတီးလုံးမှာကပ်ပြီး ပုတီးစိပ်တဲ့အခါမှာ အဆင်မပြေတာမျိုးတွေဖြစ်တတ်တာကြောင့် သတိပြုရပါမယ်နော်။

ဒီနည်းလမ်းလေးအတိုင်း ကိုယ့်အိမ်မှာပဲ ကိုယ်တိုင်အရောင်တင်လို့ရသလို ၊ ကျွန်မတို့ကုသိုလ်တော်ကိုလည်း အရောင်တင်ဖို့အတွက် အချိန်မရွေးဆက်သွယ်နိုင်ပါတယ်ရှင်။

tdrfrSmylaZmfavh&SdMuwJh rkj'm(6)rsdK;

မုဒြာဆိုတာ ပါဠိဘာသာစကားက ဆင်းသက်လာပြီး လက်အနေထားပုံစံကို ဆိုလိုတာဖြစ်ပါတယ်။ ဟောကြားညွှန်ပြလိုတဲ့သဘောတရားကို လက်ဟန်အမူအရာနဲ့ ပုံဖော်ထားခြင်းဖြစ်ပြီး ယေဘုယျအားဖြင့် မုဒြာလက်ဟန် (၄၅)မျိုးရှိပါတယ်။

မုဒြာဟန် (၄၅)မျိုးထဲမှာ ကျွန်မတို့ ဗုဒ္ဓဘာသာဝင်တိုင်းရဲ့ အိမ်တွေမှာ ပူဇော်လေ့ရှိပြီး အတွေ့မြင်ရဆုံး မုဒြာ (၆)မျိုးရှိပါတယ်။

ပုတီးစိပ်တယ်ဆိုတာ မြန်မာလူမျိုးတွေ ရိုသေအလေးထားတဲ့ ယဥ်ကျေးမှုဓလေ့တစ်ခုဖြစ်ပါတယ်။ ပုတီးစိပ်တဲ့လူတစ်ယောက်ဟာ စိတ်ပိုင်းဆိုင်ရာရော၊ ရုပ်ပိုင်းဆိုင်ရာရော အမြဲအေးမြကြည်လင်နေလေ့ရှိပါတယ်။ ဒါကြောင့် မြန်မာလူမျိုးတွေဟာ နေ့စဥ◌်စိတ်တည်ငြိမ်အောင် ပုတီးစိပ်ကုသိုလ်ယူကြပါတယ်။

bmvdkUykwD;pdyfzdkUvdktyfwmvJ

သာမန်လူတစ်ယောက်ရဲ့ စိတ်က မတည်ငြိမ်တဲ့သဘော၊ အာရုံပျံလွင့်တဲ့နောက်ကို ကောက်ကောက်ပါအောင်လိုက်တဲ့သဘောရှိပါတယ်။ ပုတီးစိပ်ရတဲ့ရည်ရွယ်ချက်က စိတ်ကို တည်ငြိမ်မှုဆိုတဲ့သမာဓိရရှိအောင် အားထုတ်တာဖြစ်ပါတယ်။ ပုတီးစိပ်တဲ့ယဥ်ကျေးမှုဟာ မြတ်ဗုဒ္ဓလက်ထက်ကမရှိသေးပဲ တိဘက်ကနေလာတဲ့ယဥ်ကျေးမှုဓလေ့တစ်ခုဖြစ်ပါတယ်။ ပုတီးဆိုတာ သမာဓိအားကောင်းအောင်တည်ဆောက်ပေးတဲ့ ရုပ်ဝတ္ထုတစ်ခုဖြစ်ပါတယ်။

ပုတီးစိပ်ခြင်းကလူတစ်ယောက်ရဲ့ သမာဓိကိုအားကောင်းစေပြီး စိတ်ပိုင်းဆိုင်ရာရော ရုပ်ပိုင်းဆိုင်ရာပါ ကောင်းကျိုးတွေကိုရရှိစေပါတယ်။ 

- မြတ်စွာဘုရား၏ဂုဏ်တော်များကို ရည်မှန်းအာရုံပြုတာကြောင့် ကုသိုလ်အကျိူးဖြစ်ထွန်းစေခြင်း၊
- စိတ်နှလုံးတည်ငြိမ်အေးချမ်းမှုကိုရခြင်း၊
- ဘယ်အရာမဆို သတိကပ်နိုင်ခြင်း၊
- ဒေါသရန်လိုစိတ်ကိုလျော့ပေးခြင်း၊
- ပညာဉာဏ်ထက်မြက်လာခြင်း၊
- လောကကြီးကို အကောင်းမြင်လာခြင်း
- အန္တရာယ်ကြုံတဲ့အခါ စိတ်လုံခြုံမှုကိုရရှိစေခြင်း စတဲ့ အကျိုးကျေးဇူးတွေကိုရရှိစေပါတယ်။

လူတစ်ယောက်ရဲ့ စိတ်က ရုပ်ခန္ဓာနဲ့တိုက်ရိုက်အချိုးကျနေပါတယ်။ စိတ်ချမ်းသာနေတော့ ကိုယ်၏ကျန်းမာခြင်းနဲ့လည်း ပြည့်စုံစေပါတယ်။

- စိတ်နှလုံးတည်ငြိမ်အေးချမ်းတော့ အမြဲနုပျိုနေခြင်း၊
- စိတ်ကြည်လင်နေတော့ လုပ်ငန်းခွင်မှာဖြစ်ဖြစ်၊ အိမ်မှာပဲဖြစ်ဖြစ် အဆင်ပြေချော့မွေ့ခြင်း၊
- ဒေါသနည်းပြီး အကောင်းမြင်စိတ်များတော့ လူတိုင်းနဲ့အဆင်ပြေခြင်း
- ကိုယ်ခန္ဓာကကျန်းမာပျော်ရွှင်နေတော့ စိတ်ချမ်းသာခြင်း စတဲ့အကျိုးကျေးဇူးများကို ရရှိစေပါတယ်။ 

ပုတီးစိပ်ရတဲ့ရည်ရွယ်ချက်က သမာဓိအားကောင်းဖို့ဖြစ်တာကြောင့် အခေါက်ရေပြည့်ဖို့ထက် အဓိပ္ပါယ်ကို သိနားလည်ပြီး စိတ်မှာ ပွားများပုတီးစိပ်ခြင်းဟာပိုပြီး အကျိုးဖြစ်ထွန်းစေပါတယ်။ သမာဓိအားကောင်းစေပြီး အကျိုးထူးအကျိုးမြတ်များစွာဖြစ်ထွန်းစေလို့ နေ့စဥ◌်နေ့တိုင်း ပုတီးစိပ်ကုသိုလ်ယူကြဖို့ ဒီနေရာကပဲတိုက်တွန်းလိုက်ပါရစေရှင်။

ကျွန်မတို့ ဗုဒ္ဓဘာသာမှာ သိုက်ဆက်၊ ရေစက်၊ ပဌာန်းဆက် အဆက် (၃) ဆက်ဆိုတဲ့ ယုံကြည်မှုရှိပါတယ်။ ‎ “ သူနဲ့ငါက အရင်ဘဝက ပဌာန်းဆက်ပါလာတယ်။” ဒီလိုပြောတာတွေကို ကုသိုလ်တော်မိသားစုဝင်တွေ ခဏခဏကြားဖူးမယ်ထင်ပါတယ်။ တကယ်တော့ ဒါကဘဝတစ်ခုခုမှာ အကုသိုလ်၊ ကုသိုလ်အတူတူလုပ်ခဲလို့့ ဒီဘဝမှာပြန်ဆုံရတဲ့ ရေစက်တစ်ခုပါပဲ။

တကယ်တော့ ပဌာန်းဆက် ယုံကြည်မှူ ဟာ မြန်မာနိုင်ငံကစခဲ့တာမဟုတ်ပါဘူး။ သက္ကရာဇ် ၁၂၂၅ ခုနှစ်မှာ ယဥ်းကျေးမှုတိုင်းရဲ့ဖခင်နိုင်ငံဖြစ်တဲ့ ဂရိနိုင်ငံက Prophecy ပညာရှင်ကစတင်ခဲ့တာပါ။ “ ဘုရားသခင်က ကြားခံအနေနဲ့ လွှတ်လိုက်တဲ့ ကာမခန္ဓာတစ်ခု” ဆိုတဲ့ယုံကြည်မှုစတင်ပေါ်ပေါက်ခဲ့ပါတယ်။ ‎ဒီယုံကြည်မှုဟာ ဘာသာတိုင်းမှာပျံ့နှံ့သွားပြီး တဖြည်းဖြည်း အခေါ်အဝေါ်တစ်ခုစီနဲ့ ဆင့်ကဲပြောင်းလဲခဲ့ပါတယ်။ ပဌာန်းဆက်ဆိုတဲ့စကားက ဒီထက်အများကြီးကျယ်ပြန့်ပြီး လူတိုင်းမဖြစ်နိုင်တာမို့ ခဏခဏလည်း မတွေ့ရပါဘူး။ ပဌာန်းဆက်ဆိုတာ ဗုဒ္ဓဘာသာတစ်ခုထဲမှာမဟုတ်ဘဲ ကမ္ဘာပေါ်မှာရှိတဲ့ ဘာသာတိုင်းမှာ သက်ဆိုင်ရာယုံကြည်တစ်ခုအနေနဲ့ ရှိပါတယ်။

ပဌာန်းဆက်တွေဆိုတာ ဘုရား၊ နတ်၊ ဗြဟ္မာ၊ သတ္တဝါ၊ လူ့ဘုံဖယ်ပြီး ကျန်ဘုံ (၃၀) နဲ့ လူတွေကြားမှာ ဆက်သွယ်ပေးတဲ့ ပေါင်းကူးတံတားလို့ ဗုဒ္ဓဘာသာမှာယုံကြည်ကြပါတယ်။ သိုက်ကလာတာ၊ သိုက်ဆက်၊ နဂါးသိုက်၊ မြွေသိုက်…. အများကြီးပြောကြပေမယ့် ဒါတွေအားလုံးက ပဌာန်းဆက်ထဲမှာပါဝင်ပါတယ်။ 

မြတ်စွာဘုရားရှင်ရဲ့ ဂုဏ်တော်များကို ပွားများကုသိုလ်ယူချင်လို့ပဲဖြစ်ဖြစ်၊ စိတ်တည်ငြိမ်အေးချမ်းပြီး သမာဓိတည်ချင်လို့ပဲဖြစ်ဖြစ် ပုတီးစိပ်ကုသိုလ်ယူလေ့ရှိကြပါတယ်။ပုတီးမှာစိတ်ကိုမရောက်စေရဘဲ ဂုဏ်တော်ကိုပဲ စိတ်အာရုံနှစ်ပြီး ထင်မြင်အောင်ပွားများရမှာဖြစ်ပါတယ်။

ပုတီးစိပ်နည်းတွေကတော့ ကိုးကွယ်ပူဇော်သူမူတည်ပြီး အမျိုးမျိုး မရေမတွက်နိုင်အောင် ရှိပါတယ်။အဲ့ထဲမှာမှ အစိပ်များဆုံးပုတီးစိပ်နည်းတွေကတော့ သရဏဂုံ(၃)ပါးပုတီးစိပ်နည်း၊ ရှင်အရဟံပုတီးစိပ်နည်း စတဲ့ပုတီးစိပ်နည်းတွေပဲဖြစ်ပါတယ်။

သရဏဂုံ(၃)ပါးပုတီးစိပ်နည်းကတော့
ဗုဒ္ဓံ သရဏံ ဂစ္ဆာမိ = ဘုရားရှင်ကို ကိုးကွယ်ပါ၏။
ဓမ္မံ သရဏံ ဂစ္ဆာမိ = တရားတော်ကို ကိုးကွယ်ပါ၏။
သံဃံ သရဏံ ဂစ္ဆာမိ = အရိယာသံဃာတော်ကို ကိုးကွယ်ပါ၏။
ဆိုတဲ့ရတနာ(၃)ပါးကို ပူဇော်တဲ့ပုတီးစိပ်နည်းဖြစ်ပါတယ်။

- နိဗ္ဗာနကာလံ ဗုဒ္ဓံ သရဏံ ဂစ္ဆာမိ နိဗ္ဗာန်ရသည့်တိုင်အောင် မြတ်စွာဘုရားကို ဆင်းရဲကင်းပျောက် ချမ်းသာရောက်အောင် အားကိုးရာဟူ၍ မှီဝဲဆည်းကပ် သိမှတ်ပါ၏။
- နိဗ္ဗာနကာလံ ဓမ္မံ သရဏံ ဂစ္ဆာမိ နိဗ္ဗာန်ရသည့်တိုင်အောင် တရားတော်မြတ်ကို ဆင်းရဲကင်းပျောက် ချမ်းသာရောက်အောင် အားကိုးရာဟူ၍ မှီဝဲဆည်းကပ် သိမှတ်ပါ၏။
- နိဗ္ဗာနကာလံ သံဃံ သရဏံ ဂစ္ဆာမိ နိဗ္ဗာန်ရသည့်တိုင်အောင် သံဃာတော်မြတ်အပေါင်းကို ဆင်းရဲကင်းပျောက် ချမ်းသာရောက်အောင် အားကိုးရာဟူ၍ မှီဝဲဆည်းကပ် သိမှတ်ပါ၏။

မှတ်ချက်။ ။ ပါဠိနဲ့အနက်အဓိပ္ပာယ်ကို အရကျက်ပြီး (၁၀၈)လုံးပုတီးနဲ့ အာရုံကပ်ပြီး ပူဇော်ပါ။သက်စေ့စိပ်ချင်လည်း စိပ်နိုင်ပါတယ်။လိုအပ်သလို
အဓိဠာန်ပြီး ပူဇော်လို့ရပါတယ်။

သရဏဂုံ(၃)ပါးကိုရည်ညွှန်းပူဇော်ပြီး ပုတီးစိပ်ကုသိုလ်ယူမယ်ဆိုရင် သမာဓိရလွယ်ပြီး ကာယစိတ္တသုခနှစ်ဖြာပွားစေခြင်း၊စိတ်နှလုံးကြည်လင်စေခြင်း၊ လာဘ်လာဘတိုးပွားစေခြင်း၊ အတိုက်အခိုက်ဘေးရန်များမှကာကွယ်ခြင်း စတဲ့မရေမတွက်နိုင်တဲ့ အကျိူးကျေးဇူးများစွာရရှိစေမှာပဲဖြစ်ပါတယ်။

အနက်အဓိပ္ပာယ်ကား မြတ်စွာဘုရားကို ကိုးကွယ်ဆည်းကပ်ပါ၏။နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည်အစိုးမရပါတကား။ တရားတော်ကို ကိုးကွယ်ဆည်းကပ်ပါ၏။နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည်အစိုးမရပါတကား။ သံဃာတော်မြတ်ကို ကိုးကွယ်ပါ၏။နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည်အစိုးမရပါတကား။ ဘုရားရှင်ကို ကိုးကွယ်ဆည်းကပ်ပါ၏။တရားတော်ကို ကိုးကွယ်ဆည်းကပ်ပါ၏။သံဃာတော်မြတ်ကို ကိုးကွယ်ဆည်းကပ်ပါ၏။

နာမ်ရုပ်သည် မမြဲ၊ နာမ်ရုပ်သည် ဆင်းရဲ၏၊ နာမ်ရုပ်သည်အစိုးမရပါတကား။အားတော်ဆယ်ပါးနှင့် ပြည့်စုံတော်မူသော မြတ်စွာဘုရားသည်၊ အဆုံးအပိုင်းအခြား ရှိတော်မမူသော တန်ခိုးတော်တည်း။မဂ်ဉာဏ် ဖိုလ်ဉာဏ်တို့၏ အာရုံဖြစ်သော နိဗ္ဗာန်သည် အဆုံးအပိုင်းအခြားရှိတော်မမူသောတန်းခိုးတော်တည်း။ အရိယာသံဃာတော်မြတ်သည် အဆုံးအပိုင်းအခြား ရှိတော်မမူသောတန်ခိုးတော်တည်း။

သစ်ဆင်းတုတော်တွေမှာလည်း သရက္ခံဆင်းတု၊ ကျွန်းနက်ဆင်းတု၊ မဟော်ဂနီဆင်းတု၊ နံ့သာဖြူဆင်းတု စသဖြင့် ဆင်းတုအမျိုးမျိုး ပူဇော်လေ့ရှိကြပါတယ်။သစ်ဆင်းတုပူဇော်သူတွေကြုံတွေ့ရတာကတော့ ဆင်းတုကွဲအက်တဲ့ ပြဿနာပဲဖြစ်ပါတယ်။

ဆင်းတုတော်ကွဲအက်တယ်ဆိုတာ ထုလုပ်ထားတဲ့ အသားပေါ်လည်း မမူတည်သလို သစ်အရည်အသွေးကြောင့်လည်း မဟုတ်ပါဘူး။ ပူရင်ပွ၊ အေးရင်ကျုံ့တတ်တဲ့ သဘောတရားကြောင့် သစ်ဆင်းတုတွေဟာ ရာသီဥတုအပြောင်းအလဲများတဲ့ ဒေသတွေမှာဆို မကြာခဏကွဲအက်တတ်ပါတယ်။ဘယ်သစ်ဆင်းတုမဆို အပူအအေးမမျှတဲ့အခါမျိုး၊ လေထုထဲမှာရေငွေ့တွေများတဲ့ မိုးရာသီလိုကာလမျိုးမှာဆိုရင်လည်း ကွဲအက်တတ်ပါတယ်။ဒီလိုကွဲအက်တာဟာ ဘယ်သစ်မျိုးမှာမဆိုဖြစ်တတ်တာမို့ သစ်ဆင်းတုတွေကွဲလို့ဆိုပြီး စိတ်ထဲလေးနေတာမျိုး ဖြစ်မနေဘဲ ပင့်ဆောင်ပူဇော်နိုင်ပါတယ်။

ကျွန်မတို့ကုသိုလ်တော်ကနေ ပင့်ဆောင်ပူဇော်သွားတဲ့ သစ်ဆင်းတုတွေကွဲအက်တဲ့အခါ လက်ခအခမဲ့နဲ့ ပြန်လည်ပြုပြင်ပေးတဲ့ တစ်သက်တာအာမခံရှိတာမို့ စိတ်ချယုံကြည်စွာ ပင့်ဆောင်ပူဇော်နိုင်ပါတယ်ရှင်။အသားစစ် အသားမှန်နဲ့ လက်ရာမြောက်ဆင်းတုတော်တွေ ပင့်ဆောင်ပူဇော်ချင်တယ်ဆိုရင်တော့ ကုသိုလ်တော်ကိုသာရွေးချယ်ဖို့ တိုက်တွန်းလိုက်ရပါတယ်ရှင့်။

ပဉ္စ၀ဂီငါးဦးဆိုတာကတော့ ဘုရားလောင်း သိဒ္ဓတမင်းသားဖွားမြင်တော်မူစဉ်ကတည်းက ဧကန်စင်စစ် ဘုရားဖြစ်မည် ဆိုပြီး နိမိတ်ဖတ်ကြားခဲ့တဲ့ ပုဏ္ဏားငါးဦးဖြစ်ပါတယ်။ဘုရားလောင်းတောထွက်စဉ်ကစပြီး တောထွက်ခဲ့ကြပြီး ဘုရားရှင်အဖြစ်သို့မရောက်ခင် ဒုက္ကရစရိယာကိုကျင့်ကြံစဉ် ဝတ်ကြီးဝတ်ငယ်ပြုစုခဲ့ကြပါတယ်။ခြောက်နှစ်တာကာလရှိတဲ့အချိန်မှာ ဘုရားမဖြစ်နိုင်တော့ဟုယူဆပြီး စွန့်ခွာက မိဂါ၀ုန်တောမှာ တရားအားထုတ်ခဲ့ကြပါတယ်။အဲဒီ့နောက် မဟာသက္ကရာဇ် ၁၀၃ခုနှစ် ကဆုန်လပြည့်နေ့မှာ ဘုရားအဖြစ်သို့ရောက်တော်မူပြီးနောက် ဝါဆိုလပြည့်နေ့မှာ မိဂါ၀ုန်တောသို့ကြွလာပြီး ဓမ္မစကြာတရားတော်ကို ဟောကြားခဲ့တာဖြစ်ပါတယ်။

တရားတော်ရဲ့အဆုံးမှာ အရှင်ကောဏ္ဍည သောတပတ္ထိဖိုလ်တည်ခဲ့ပြီး ဓမ္မစကြာတရားတော်ကို အကျယ်ထပ်ဟောကြားတဲ့အခါမှာ ဝါဆိုလပြည့်ကျော်(၁)ရက်နေ့မှာ အရှင်၀ပ္ပ၊ (၂)ရက်နေ့မှာအရှင်ဘဒ္ဒိယ၊(၃)ရက်နေ့မှာအရှင်မဟာနာမ်၊(၄)ရက်မြောက်နေ့မှာ အရှင်အဿဇိတို့အသီးသီး သောတပတ္ထိဖိုလ်တည်ခဲ့ကြပါတယ်ရှင်။

မြတ်စွာဘုရားရှင်ရဲ့ တရားဦးတရားမြတ်ဖြစ်ပြီး သစ္စာလေးပါးတရားကို ဟောကြားခဲ့တဲ့နေ့ဖြစ်တာကြောင့် ဝါဆိုလပြည့်နေ့ကို ဓမ္မစကြာအခါတော်နေ့လို့သတ်မှတ်ခဲ့တာဖြစ်ပါတယ်။ဓမ္မစကြာအခါတော်နေ့မှာ တရားဟောခဲ့တဲ့ လက်ဟန်ကို ဓမ္မစကြာမုဒြာလို့လည်း ခေါ်ဆိုကြပါတယ်။

တရားဦးတရားမြတ်ဟောကြားနေတဲ့ ဓမ္မစကြာမုဒြာ ဆင်းတုတော်များကို ပင့်ဆောင်ပူဇော်ချင်တယ်ဆိုရင်တော့ ကျွန်မတို့ ကုသိုလ်တော်မှာ အသားစစ်အသားမှန်နဲ့ လက်ရာမြောက်ထုလုပ်ထားတဲ့ ဆင်းတုတော်များပင့်ဆောင်ပူဇော်နိုင်ပါတယ်ရှင်။

မုဒြာဆိုတာ ပါဠိဘာသာကဆင်းသက်လာတဲ့ စကား‌ေဝါဟာရဖြစ်ပြီး မြန်မာဘာသာမှာတော့ လက်ဟန်အနေအထားလို့ အဓိပ္ပာယ်ရပါတယ်။ မုဒြာများဟာ မြတ်ဗုဒ္ဓရဲ့ ဘဝတစ်လျောက်လုံးမှာ ကြုံတွေ့ဖြစ်ပျက်သမျှကို လက်ဟန်တော်နဲ့ ဖော်ပြထားတာဖြစ်ပါတယ်ရှင်။ လက်တော်တစ်ဖက်တည်းနဲ့ ပြတဲ့မုဒြာရှိသလို၊ လက်တော်နှစ်ဖက်နဲ့ဖော်ပြတဲ့ မုဒြာလည်းရှိပါတယ်။ မုဒြာပေါင်း (၁၀၀) ကျော်ရှိပေမယ့် ထင်ရှားတဲ့မုဒြာကတော့ (၄၅) ခုရှိပါတယ်။ ဒီထဲကမှ မာရ်နတ်ကိုအောင်တော်မူခဲ့တဲ့ ဘူမိဖဿမုဒြာ(အောင်တော်မူမုဒြာ) အကြောင်းကိုကုသိုလ်တော်ကနေ မျှဝေပေးသွားပါမယ်ရှင်။

သက္ကရာဇ် ၁၀၃ခု၊ ကဆုန်လပြည့်ဗုဒ္ဓဟူးနေ့တွင် မြတ်ဗုဒ္ဓသည် ဗောဓိပင်အောက်အပရာဇိတပလ္လင် ( သောတ္တိယပုဏ္ဏား လှူဒါန်းသော မြက်ရှစ်ဆုပ်) ထက်၌ သီတင်းသုံးနေပါတယ်။ အဲအချိန်မှာပဲ ဝသဝတ္တီနတ်ပြည်သား မာရ်နတ်က ဂီရီမေခလာဆင်ကြီးနှင့်အတူ လက်ရုံးတစ်ထောင်ဝန်းရံကာ လာရောက်နှောက်ယှက်တိုက်ခိုက်ခဲ့ပါတယ်။ မာရ်နတ်က ရေ၊ မီး စတဲ့ နတ်လက်နက်ကိုးပါးနဲ့ တိုက်ခိုက်သော်လည်း မြတ်ဗုဒ္ဓရှေ့သို့ ပန်းပွင့်များသာကျရောက်ခဲ့ပါတယ်။ မြတ်ဗုဒ္ဓသည် သင်္ကန်းအတွင်းမှ လက်က်ျာတော်ကိုထုတ်ပြီး မဟာပထဝီမြေကြီးကို ညွှန်ပြသက်သေတည်တဲ့အခါ မဟာပထဝီမြေကြီးက ပြင်းထန်စွာတုန်လှုပ်ခဲ့ပါတယ်။ မာရ်နတ်နဲ့ သူ့ရဲ့စစ်သည်တွေဟာ ကြောက်လန့်တကြားနဲ့ ဝသဝတ္တီနတ်ပြည်ကို ပြန်လည်ဆုတ်ခွာခဲ့ပါတယ်။ ဒီလိုနဲ့ သက္ကရာဇ် ၁၀၃ခု၊ ကဆုန်လပြည့်ဗုဒ္ဓဟူးနေ့မှာ မြတ်ဗုဒ္ဓဟာ မာရ်နတ်ကိုအောင်တော်မူခဲ့ပါတယ်။

ဘူမိဖဿမုဒြာ( အောင်တော်မူမုဒြာ) ဟန်နဲ့ မြတ်ဗုဒ္ဓဆင်းတုတော်တွေကို မြန်မာနိုင်ငံအနှံ့အပြားမှာတွေ့ရပါတယ်။ ပုဂံမြို့လောကထိပ်ပန်ဂူဘုရား၊ မန္တလေးမြို့ မဟာမုနိဘုရားတို့ဟာဘူမိဖဿမုဒြာဟန် ရုပ်ပွားတော်များရှိတဲ့ဘုရားများဖြစ်ကြပါတယ်။ဒါ့အပြင် ဘူမိဖဿမုဒြာပြောင်းပြန်ဟန်( လက်ဝဲ နဲ့ လက်ျာပြောင်းထား) နဲ့ ဆင်းတုတော်များလည်းရှိပါတယ်။ ပုဂံအာနန္ဒာ စေတီတော်တွင်းမှပုံတော်များကို ဤဘူမိဖဿမုဒြာ ပြောင်းပြန်ပုံဖြင့် တွေ့ရှိနိုင်ပါတယ်။ 

ဘူမိဖဿမုဒြာဟန်ဆင်းတုတော်တွေဟာ
- ရန်သူပြိုင်ဘက်များကိုအောင်နိုင်ခြင်း၊
- တရားအမှုတွင်မိမိဘက်မှ လွတ်လွတ်ကျွတ်ကျွတ်အနိုင်ရခြင်း၊
- နာနာဘာဝ၊ မိစ္ဆာအန္တရာယ်မှကင်းဝေးစေခြင်း စတဲ့အကျိုးများကိုဖြစ်ထွန်းစေပါတယ်။

ဒီနေ့မှာတော့ ကုသိုလ်တော်ကနေ မြတ်ဗုဒ္ဓရဲ့ ဘူမိဖဿမုဒြာ( အောင်တော်မူမုဒြာ) ရဲ့အကြောင်းကိုမျှဝေပေးသွားတာဖြစ်ပါတယ်။ ဒီလို တန်ခိုးကြီးတဲ့ ဘူမိဖဿမုဒြာဟန်ဆင်းတုတော်များကို ကျွန်မတို့ကုသိုလ်တော်မှာလည်း ပင့်ဆောင်ပူဇော်နိုင်ပါတယ်ရှင်။